Dini İşlər üzrə Dövlət Agentliyinin sədri Zaza Vaşakmadze İran İslam Respublikasının Gürcüstanda müvəqqəti işlər vəkili Məhəmməd Kobad Rad ilə tanışlıq görüşü keçirib.
Arannews -24News.ge xəbər verir ki, bu barədə Dini Qurumlarla İş üzrə Dövlət Agentliyi məlumat yayıb. Məlumata əsasən, Zaza Vaşakmadze qonağı bu vəzifəyə təyin olunması münasibətilə təbrik edib, ona işlərində uğurlar arzulayıb və gələcək əməkdaşlığın daha da uğurlu olacağına və iki ölkə arasında dostluğu möhkəmləndirəcəyinə ümidvar olduğunu bildirib. Görüşdə Vaşakmadze nümayəndəyə Dini Qurumlarla İş üzrə Dövlət Agentliyi, Gürcüstanda aparılan din siyasəti və son illər dövlət tərəfindən bu istiqamətdə həyata keçirilən tədbirlər barədə məlumat verib. Zaza Vaşakmadze Hökumətin İnsan Haqları Fəaliyyət Planı çərçivəsində həyata keçirilən layihələr, dini etiqad azadlığı sahəsində mövcud vəziyyət və mövcud çağırışlardan danışıb. Rəsmi nümayəndə Gürcüstanın dini məsələlər üzrə dövlət agentliyi və İranın Əl-Mustafa universiteti arasında memorandumun imzalanması ideyasını irəli sürüb. O, həmçinin tərəflər arasında konfrans keçirmək təşəbbüsünü də irəli sürüb və bu barədə müvafiq işçi qrupu yaradılıb. Mohammad Kobad Rad Agentliyin qəbuluna görə təşəkkür edib və Gürcüstan və İran arasında mövcud əməkdaşlığın daha da gücləndirilməsi üçün əlindən gələni etməyə hazır olduğunu bildirib və həmçinin Vaşakmadzeni İrana rəsmi səfərə dəvət edib. Görüşdə həmçinin Əl-Mustafa universitetinin Gürcüstandakı nümayəndəsi Həsən Yusifzadə də iştirak edib. Qeyd edək ki, İran İslam Respublikasının Gürcüstandakı fövqəladə və səlahiyyətli səfiri Əkbər Qasemi Əliabadın səlahiyyət müddəti başa çatdığından onu müvəqqəti işlər vəkili Məhəmməd Kobad Rad əvəz edir.