Mərziyyə Əfxam : "İran regionda sülh, təhlükəsizlik və sabitliyi poza biləcək istənilən fəaliyyətin əleyhinədir"
Arannews - İran
XİN-in sözçüsü Mərziyyə Əfxam Qarabağda
keçirilən qondarma seçkilərlə bağlı açıqlama verib.
O, Tehranda keçirdiyi ənənəvi həftəlik brifinqdə deyib ki,
rəsmi Tehran Dağlıq Qarabağda keçirilən qondarma parlament seçkilərini tanımır
və hesab edir ki, belə addımlar münaqişənin aradan qaldırılması üçün aparılan
danışıqlar prosesini çətinləşdirir.
İranın Xarici İşlər Nazirliyinin (XİN) mətbuat
və ictimaiyyətlə əlaqələr departamentinin rəhbəri İranın Azərbaycanın ərazi
bütövlüyünü və suverenliyini tanıdığını və buna hörmətlə yanaşdığını bildirib:
"İran regionda sülh, təhlükəsizlik və sabitliyi poza biləcək istənilən fəaliyyətin
əleyhinədir".