rəsmi Moskva uzaqmənzilli raketlərin təkmilləşdirilməsi və “Kruis” raketləri kimi strateji silahların yenilənməsinə çalışır
Arannews - ABŞ
ordusunun Baş qərargah rəisi Martin Dempsi Rusiya ordusunun 2008-ci ildən
etibarən döyüş hazırlığı istiqamətində sürətlə silahlandığını bildirib.
Koloradoda
açıqlama verən Dempsi rus ordusunun müharibəyə hazırlaşdığından narahat
olduğunu qeyd edib. Onun sözlərinə görə, rəsmi Moskva uzaqmənzilli raketlərin təkmilləşdirilməsi
və “Kruis” raketləri kimi strateji silahların yenilənməsinə çalışır.
Qərargah rəsinin
sözlərinə görə, Rusiya nəinki Şərqi Avropa, hətta digər qitələrə, eyni zamanda
ABŞ-a istiqamətlənə bilən silahların istehsalı və təkmilləşdirilməsi ilə məşğuldur.
Xatırladaq
ki, ABŞ-ın Hərbi Hava Qüvvələrinin Asiya-Sakit Okean bölgəsinin komandanı
general Herbert Karlisl may ayında verdiyi açıqlamada Rusiyanın strateji
bombardmançı təyyarələrinin Kaliforniya sahillərinə qədər gəldiyini və ABŞ-ın
Quam adası üzərində uçduğunu iddia etmişdi. Bundan sonra Rusiya Müdafiə
Nazirliyi ABŞ-ın bu iddialarını təkzib etmişdi.