AranNews- Ümumi Gürcüstan Musəlmanları Ali Dini idarəsi (ÜGMADİ) və onun nəzdində fəaliyyət göstərən İmam Əli (ə)xeyriyyə fondunun təşkilatçılığı ilə, Marneulidə yaşayan Müsəlman və Məsihi xanımlar, Marneuli şəhərində və paytaxt Tiflisdə yaşayan Məsihiləri xanım Məryəmin (ə) mövludu münasibəti ilə təbrik edib, onlara güllər hədiyyə etdilər.Şəhər sakinləri müsəlmanların təbriklərini yüksək sevinclə qarşılayaraq öz təəcüblərini və sevinclərini dilə getirib alqışlayırdılar. Tiflisdə qonaq olan turistlər Müsəlmanların təbriklərinə xüsusi maraq edir və bu ölkədə hər iki dinə mənsub olan sakinlərin bir-birləri ilə bucür mehriban və sevgi dolu yaşadıqlarına sevindiklərini qeyd edirdilər.Qeyd edək ki, bu təşkilatçılığa Gürcüstanın baş kilsəsi olan "Sameba kilsəsi"-nin də xüsusi dəsdəyi oldu. Qeyd olunan mövlud təbrikində Müsəlman xanımlara Məsihi xanımlar da öz dəstəyini göstərərək dövlət idarələri, küçə və kilsələrdə gül paylayıb Müsəlmanların təbriklərini və İslam dininin Xanım Məryəmin müqəddəssliyinin təsdiqlədiyini şəhər sakinlərinə çatdırdılar.Mövludla bağlı xüsusi video çarx hazırlanır, tezliklə siz oxucularımız üçün təqdim olunacaq.Allahın salamı olsun Xanım Məryəmə (ə) və Məryəm oğlu İsaya (ə)