Tarix : 2015 Mar 22
Kod 45603

Ayətullah Xamenei: Düşmənlərin İrana qarşı iqtisadi təzyiqləri siyasi xarakter daşıyır

Islam aləminin Ali Lideri , Ayətullah Seyyid Əli Xamenei bu gün baharın ilk günündə İranın Məşhəd şəhərində İmam Rza (ə)-ın hərəmində on minlərlə zəvvarın bayramını təbrik edib və çıxış edib.

AranNews- Ayətullah Xamenei yeni ilin Həzrət Fatimə (s)-ın mübarək adı bərəkətindən İran və Novruz bayramını qeyd edən bütün xalqlara xeyir-bərəkət gətirəcəyinə ümidvar olduğunu bildirib .
Ayətullah Xamenei İran xalqı və hökumətini birliyə çağırıb və  yeni günəş ilini “Hökumət və xalq; həmrəylik və yekdillik “ ili adlandırıb .

Təbrik müraciətində bildirilir :

Bismillahir-Rəhmanir-Rəhim

Ya, Muqəllibəl Qulube Vələbsar, Ya, Mudəbbirəl Ləyli Vənnəhar, Ya, Muhəvviləl Hauli Vələhval, Həvvil Haləna İla Əhsənil Hal

Əssəlamu Əla Fatimətə və Əbiha və Bələha və Bəniha

İlin başlanması Həzrət Zəhra səlamullah ələyhanın şəhadəti günlərinə təsadüf edir .
Bizim xalqımızın Peyğəmbər xanədanına və Böyük Peyğəmbərin əziz qızına olan hörməti tələblərə malikdir ki, mütləq hamı ona riayət etməlidir, mütləq riayət edəcəkdir də .
Ümid olunur ki, bu günlər və bu il Fatemi bərəkətləri ilə dolu və ona malik olmuş olsun. Bu böyük şəxsiyyətin adı və O Həzrətin xatirəsi 1394 -cü ildə öz dərin və daimi təsirlərini xalqımızın həyatında göstərsin. Ümid edirik ki, yeni hicri şəmsi ilinin başlanğıcı olan bu təbiət baharının başlanması İran xalqı və Novruz bayramını qeyd edən bütün xalqlar üçün mübarək olmuş olsun !
Həzrət Bəqiyyətillahiləzəm  ərvahunafidanın sahətinə təvazökarcasına salam göndərirəm !
Böyük imamımız və əziz şəhidlərimizin xatirələrini bu fürsətdə əziz tuturuq , ümid edirik ki, bizi həmin əzizlərin pak nəfəslərinin bərəkətlərinə və pak ruhlarının dualarına malik etmiş olsun .
Qısa olaraq 1393 -cü ilə və bu saatda başlanan cari ilə nəzər salırıq. 1393 -cü il həm daxili sahədə, həm də xarici və beynəlxalq sahədə bizim ölkəmiz üçün macəralarla dolu bir il idi. Həm problemlərimiz olmuşdu, həm də irəliləyişlərimiz. Biz 1393 -cü ilin əvvəlində məhz elə bu problemlərə görə, ili “Milli əzmkarlıq və cihad idarəçiliyi” ili adlandırdıq .
1393-cü ildə baş verənlərə nəzər salmaqla görürük ki, milli əzmkarlıq əlhəmdulillah, özünü göstərmiş və mövcud olmuşdur. Xalqımız öz əzmkarlığını həm onun üçün mövcud olmuş bəzi çətinliklərə dözməkdə göstərdi, həm də 22 bəhmən günündə və Qüds günündə və əzəmətli Ərbəyin yürüşündə bu əzmkarlıq və bu ciddi-cəhdi nümayiş etdirdi .
Cihad idarəçiliyi də bəzi bölmələrdə əlhəmdulillah, aşkar şəkildə özünü göstərirdi. İnsan cihad idarəçiliyini müşahidə etdiyi bölmələrdə irəliləyişləri də müşahidə etmiş oldu. Bu, əlbəttə, 1393 -cü ilə xas olan bir tövsiyə deyil, həm milli əzmkarlıq, həm də cihad idarəçiliyi həm bu il üçün, həm də üzümüzə gələcək bütün illər üçün xalqımıza lazımdır .
1394-cü ildə əziz xalqımız üçün böyük arzulara malikik və bu arzuların hamsı əldə olunasıdır. Bizim bu ildə xalq üçün olan böyük arzularımız iqtisadi inkişafdır, regional və beynəlxalq qüdrət və başıucalıqdır, sözün əsl mənasında elmi sıçrayışlardır, iqtisadi ədalətdir, iman və mənəviyyatdır ki, hamısından daha önəmlisi və digər əsas məsələlərin dayağıdır .
Düşünürük, bütün bu istək və arzular əldə olunasıdır. Bunların heç biri elə şeylər deyildir ki, İran xalqının imkanlarından və quruluşumuzun siyasətlərinin imkanlarından kənarda olmuş olsun. Bizim imkanlarımız olduqca böyükdür. Bu barədə deməli sözlər vardır ki, inşaallah, onların mühümlərinə axşamkı çıxışda işarə olunacaq .
Bu saatda əziz xalqımıza demək istədiyim məsələ budur ki, bu böyük və mühüm imkan əldə olunasıdır, lakin onun şərtləri var. Ən mühüm şərtlərdən biri, xalq ilə hökumət arasında səmimi əməkdaşlıqlardır. Əgər bu səmimi əməkdaşlıqlar iki tərəfdən formalşarsa, mütləq bizim arzularımızdan olan bütün məsələlər əldə  olunası olacaq və onun nəticələrini əziz xalqımız gözü ilə görəcəkdir .
Hökumət xalqın işçisi və xalq hökumətin iş sahibidir. Xalq ilə hökumət arasında daha artıq səmimilik, daha artıq əməkdaşlıq və daha artıq həmrəylik olmuş olarsa, işlər daha yaxşı irəliləyəcəkdir. Bir-birilərinə etimad etməldirlər, həm hökumət sözün əsl mənasında xalqa inanmalı və xalqın dəyəri, önəmi və qabiliyyətlərini düzgün surətdə qəbul etməlidir, həm də xalq onun işlərini yerinə yetirən hökumətə sözün əsl mənasında etimad etməlidir. Mənim bu barədə həm sözlərim, həm də tövsiyələrim var, inşaallah, çıxış zamanı onlara işarə edəcəyəm. Buna görə, məncə, bu ili hökumət və xalqın geniş həmkarlıqları ili bilmək lazımdır. Mən bu il üçün bu şüarı seçmişəm: Hökumət və xalq; həmrəylik və yekdillik. Ümid edirik ki, bu şüar əməldə həyata keçsin və hər ikisi, sözün əsl mənasında bu şüara əməl edə bilsinlər və onun əsər və nəticələrini görsünlər .
Allah-Taaladan ölkənin bütün böyük işlərinin irəliləməsini istəyir və Allah-Taaladan xidmət göstərmək sahəsində uğur qazanmağımızı diləyirik .

Vəssəlamu Ələykum Vərəhmətullahi və Bərəkatuh.

düşmənlərimiz açıq şəkildə bildirirlər ki, iqtisadi təzyiqlərdə məqsədləri siyasi hərəkətdir.

Ayətullah Xamenei bildirib ki, “Sanksiya düşmənlərin təzyiq göstərmək sahəsində yeganə vasitəsidir. Məqsədləri budur ki, xalqı İslam Quruluşunun qarşısında qoysunlar.  Amerika təzyiqin əsas amildir. Amerikalılar açıq şəkildə deyirlər ki, xalqı etiraz etməyə təhrik edirlər .”
Ayətullah Xamenei bildirib ki, düşmənlər Asiyanın qərbində misilsiz olan ölkəmizin təhlükəsizliyini hədəfə alıblar. “Ölkəmizin şimalı, cənubu, qərbi və şərqində yerləşən ölkələrdə bizim təhlükəsizliyimizi pozmaq istəyirlər və bunun üçün planlara malikdirlər .“
Ayətullah Xamenei ABŞ prezidenti Barak Obamanın Novruz bayramı münasibətilə verdiyi müraciətə cavab verib. “Barak Obamanın Novruz müraciətindən belə çıxır ki,bizim diktəmizlə sizin iqtisadiyyatınız çiçəklənə bilər, amma bu baxış əsla nəticəyə çatmayacaq. Biz hamımızın ortaq nəzərimiz olan Müqavimət iqtisadiyyatını gücləndirməliyik .”
Ayətullah Xamenei bildirib ki, sanksiyalar hərçənd bizə problemlər yaradıb, lakin bu sanksiyalar bizim üçün fürsətdir. “Amerikanın regiondakı siyasəti əmin-amanlığı pozmaqdır.  Amerika və onların təşkilatları islami oyanış qarşısında əks-hücuma keçiblər və region xalqlarını çarəsiz etmək istəyirlər, bu isə bizim hədəflərimizin əksinədir .
Ali Lider Ayətulllah Xamenei nüvə müzakirələri məsələsinə toxunaraq, ABŞ-la müzakirələrdə yalnız nüvə məsələsi barədə danışırıq və region məsələləri əsla müzakirələrin predmeti deyil .

  • Yazılıb
  • da (də) 2015 Mar 22