Azərbaycan Respublikası dünya ictimaiyyətinin terrorçuluqla mübarizə üzrə səylərini ciddi surətdə dəstəkləyir və terrorçuluqla mübarizədə Küveyt xalqı ilə öz həmrəylik və yekdilliyini elan edir.
Arannews - Azərbaycan Respublikası Xarici İşlər Nazirliyi Küveytdəki terror hücumunu pisləyib .
Azərbaycan Respublikası Xarici İşlər Nazirliyinin Mətbuat Xidməti bir bəyanat yayıb, iyunun 26-da Küveytdəki bir məsciddə törədilmiş terror hücumunu pisləyərək, hadisədən zərərçəkənlərin ailələrinə başsağlığı verib .
Bu bəyanatda həmçinin deyilir ki, Azərbaycan Respublikası dünya ictimaiyyətinin terrorçuluqla mübarizə üzrə səylərini ciddi surətdə dəstəkləyir və terrorçuluqla mübarizədə Küveyt xalqı ilə öz həmrəylik və yekdilliyini elan edir .
Ötən cümə günü bir kamikadze Küveytin Səvabər məntəqəsindəki İmam Sadiq(ə) məscidinə daxil olub, özünü partlatmaqla oruc ağızlı namazqılanlardan 27 nəfərin şəhid olması, 200-dən yuxarı insanın isə yaralanması və ya zədələnməsinə bais olub .
Bu faciədə 3 iranlı şəhid olub, 11 iranlı da aldığı yaraya görə, Küveyt xəstəxanalarına yatırılıb.