prezidentlərin telefon danışığında Avrasiya İqtisadi İttifaqı çərçivəsindəki əməkdaşlıq müzakirə olunub və münasibətlərin inkişafı istiqamətində fikir mübadiləsi aparılıb .
Arannews - İrəvanda gedən etirazlar fonunda Rusiya prezidenti Vladimir Putin Serj Sarkisyanla əlaqə saxlayıb .
Putinlə Ermənistan prezidenti arasındakı telefon əlaqəsi ilə bağlı Kremlin mətbuat xidməti xəbər yayıb .
Xəbərdə deyilir ki, prezidentlərin telefon danışığında Avrasiya İqtisadi İttifaqı çərçivəsindəki əməkdaşlıq müzakirə olunub və münasibətlərin inkişafı istiqamətində fikir mübadiləsi aparılıb .
Həmçinin söhbət zamanı Rusiya ilə Ermənistan arasındakı əlaqələr toxunulub .
Rusiya prezidentinin mətbuat katibi Dmitri Peskov isə RİA Novosti-yə bildirib ki, telefon söhbəti zamanı Ermənistanda elektrik enerjisi tariflərinin artırılmasından yaranan böhranlı vəziyyət müzakirə edilməyib .
"Elektrik enerjisi tarifləri, bu, belə deyək də, Ermənistan daxili məsələdir və şübhəsiz ki, Rusiya Federasiyası ilə müzakirə oluna bilməz", — deyə Dmitri Peskov qeyd edib.