Azərbaycan Milli Məclisin deputatı, politoloq Asim Mollazadə Almaniyanın bəzi siyasi dairələrinin nümayəndələrinin antiazərbaycan çıxışını şərh edərkən...
Arannews
- Azərbaycan Milli Məclisin deputatı,
politoloq Asim Mollazadə Almaniyanın bəzi siyasi dairələrinin nümayəndələrinin
antiazərbaycan çıxışını şərh edərkən, Almaniyanın Azərbaycan qarşı ideoloji
müharibə apardığını deyib.
Asim Mollazadə Almaniyada müəyyən dairələr,
erməni diasporu təşkilatları, sənaye qrupları ilə bağlı kifayət qədər böyük
siyasətçilər qrupu və media nümayəndələri Azərbaycanın əleyhinə çıxış etdiyini
deyib: "Onlar Azərbaycanın Avropanın enerji təhlükəsizliyində çox vacib
rol oynamasından narahatdırlar".
A.Mollazadə bu qruplar üçün demokratiya,
insan haqları məsələlərinin əsas təzyiq metodu olduğunu da deyib: "Bu
yaxınlarda Yerevanda ATƏT-in Minsk qrupunun Fransadan olan keçmiş həmsədri Jak
For bəyan etmişdi ki, "Azərbaycana qarşı təzyiq metodlarımız yoxdur".
Məgər siz Azərbaycana təzyiq etməlisiniz?! Azərbaycan Ermənistan torpaqlarını
işğal etməyib, əksinə olub".
Millət vəkili insan haqları və demokratiya məsələlərində
ikili rəftarı da tənqid edib və deyib: "Dünən Ermənistanda mitinqin
dağıdılması zamanı jurnalistlər döyülüb və həbs edilib. Amma, Azərbaycana qarşı
ideoloji müharibənin iştirakçılarından heç biri buna öz etirazını bildirməyib".