“Mövsüm Səmədov təkcə ruhani deyil, eyni zamanda böyük bir partiyanın rəhbəridir. O, apardığı siyasi mübarizəsinə görə bu gün siyasi məhbus həyatı yaşayır”.
Arannews – Azərbaycan İslam Partiyasının həbsdə
olan sədri Mövsüm Səmədov cəzaçəkmə müəssisəsində “kars”a salınıb. Yaxınlarının
verdiyi məlumata görə, Mövsüm Səmədov artıq 6 gündür ki, karsdadır.
Hacı Mövsüm Səmədovun karsa salınmasına səbəb
onun həbsxana rəhbərliyindən özü də daxil olmaqla, oruc tutan bütün məhbuslara
uyğun şəraitin yaradılması istəyidir. Mövsüm Səmədov bu istəyinə cavab olaraq cəzalandırılıb.
Azərbaycan İslam Partiyasının sədr əvəzi
Elçin Manafov bildirib ki, Mövsüm Səmədov ətrafında baş verənlər üzücüdür. O
yalnız ibadətlə məşğul olması üçün şərait yaradılmasını istəyir”.
Milli Şuranın Koordinasiya Mərkəzinin üzvü,
“Qarabağ Uğrunda Islami Müqavimət” Hərəkatının rəhbəri Rövşən Əhmədli məsələyə
münasibət bildirərkən deyib ki, məhbuslara qarşı nəinki mübarək Ramazan ayında,
ümumiyyətlə, bütün zamanlarda haqsızlıq etmək yolverilməzdir:
“Mövsüm Səmədov təkcə
ruhani deyil, eyni zamanda böyük bir partiyanın rəhbəridir. O, apardığı siyasi
mübarizəsinə görə bu gün siyasi məhbus həyatı yaşayır”.
Avropa Oyunlarına “ev sahibliyi” etməklə
dünyada möhtəşəm bir tədbir keçirdiyini deyib öyünən ölkədə siyasi məhbusların
olması, eyni zamanda, bu məhbusların zindanda belə, haqqını tələb etdiyi üçün cəzalandırılmasına
diqqət çəkən Rövşən Əhmədli onu da qeyd edib ki, bu siyasət hakimiyyətin saxta
avropalı imicinə böyük zərbə vurur:
“Vətəndaşın
azadlıqdan məhrum edilməsi onun təkcə azadlıq hüququnu əlindən alır. Məhbus digər
hüquqları özündə saxlayır. Hesab edirəm ki, hacı Mövsüm Səmədov heç bir halda,
onun karsa salınması ilə nəticələnəcək qanunazidd bir tələb irəli sürməz”.