Görüşdə ikitərəfli əməkdaşlıq, beynəlxalq və regional məsələlərə dair fikir mübadiləsi aparılıb.
Arannews - Azərbaycanın xarici işlər naziri
Elmar Məmmədyarov Rusiya Federasiyasına rəsmi səfəri çərçivəsində Dövlət
Dumasının sədri Sergey Narışkin ilə görüşüb.
E. Məmmədyarov Azərbaycan və Rusiya arasında bütün sahələrdə
olduğu kimi, parlamentlərarası əlaqələrin də yüksələn xətt üzrə inkişafından məmnunluğunu
vurğulayıb.
Ermənistan-Azərbaycan münaqişəsinin həlli üzrə aparılan danışıqlar barəsində
məlumat verən nazir münaqişənin həllinin artıq yetişdiyini bildirib. Münaqişənin
həlli üçün ilk növbədə Ermənistanın silahlı qüvvələrinin işğal olunmuş Azərbaycan
ərazilərindən çıxarılmalı olduğunu diqqətə çatdıran E. Məmmədyarov mövcud
status-kvonun qəbuledilməz və qeyri-davamlı olduğunu deyib. O əlavə edib ki,
regionda sülh və sabitliyin bərqərar olması üçün Ermənistan rəhbərliyi
destruktiv siyasətindən əl çəkməli və siyasi iradə nümayiş etdirməlidir.
O, Rusiyanın Ermənistan-Azərbaycan münaqişənin tezliklə həllində maraqlı
tərəf olduğunu qeyd edib.
S. Narışkin Rusiya-Azərbaycan ikitərəfli münasibətlərində heç bir
problemin olmadığını bildirib. “Bu həm də parlamentlərarası münasibətlərə
aiddir”.
Azərbaycanda bu ilin payızında keçiriləcək parlament seçkiləri barədə
danışan Dövlət Dumasının sədri , Azərbaycan tərəfinin dəvəti ilə seçkiləri
müşahidə etmək üçün rusiyalı müşahidəçilərin göndərilməsinə razılıq verib.
S. Narışkinin Azərbaycanda keçiriləcək parlament seçkilərinə Rusiyadan
müşahidəçilər göndərilməsi təklifini dəstəkləyən E. Məmmədyarov qeyd edib ki, ilk
növbədə Rusiyadan müşahidəçilər seçkiləri izləməyə gələcəklər, baxacaqlar və həqiqi
qiymət verəcəklər.
Görüşdə ikitərəfli əməkdaşlıq, beynəlxalq və regional məsələlərə dair
fikir mübadiləsi aparılıb.