. İranın kooperasiya, əmək və sosial rifah naziri: İran və Azərbaycan arasındakı iqtisadi münasibətləri yaxşı siyasi və mədəni əlaqələr kimi bütün sahələrdə genişləndirməyə maraqlıyıq
Arannews - İranın kooperasiya, əmək və sosial rifah naziri
Azərbaycan Respublikasına səfərinin davamında bu ölkənin baş nazir müavini ilə
də görüşərək, onunla qarşılıqlı əməkdaşlıqların gücləndirilməsi barədə danışıb.
İranın kooperasiya, əmək və sosial rifah naziri Əli Rəbii bu görüşdə iki ölkənin
bir çox ortaqlığına toxunaraq, deyib: İki ölkə arasındakı iqtisadi münasibətləri
yaxşı siyasi və mədəni əlaqələr kimi bütün sahələrdə genişləndirməyə maraqlıyıq.
Rəbii İranın müstəqillik dövründən öncə və sonrakı dövrlərdə
Azərbaycan Respublikasını himayə üzrə mövqeyinə, eləcə də Qarabağ didərginlərinə
olmuş humanitar yardımlarına işarə edərək, İranın nüvə məsələsindəki müsbət
mövqeyinə görə, Azərbaycan dövlətinə təşəkkür edib və deyib: Təklif edirəm ki,
həkim mübadiləsi, əlillər üçün reabilitasiya, müəllimlər üçün təlim kurslarının
təşkil edilməsi və texniki-peşə sahələrində öz təcrübələrimizi mübadilə ilə
bağlı qarşılıqlı əməkdaşlıq edək.
İranın kooperasiya, əmək və sosial rifah naziri həmçinin
İranın müştərək investisiya ilə Azərbaycanda əczaçılıq zavodu tikməyə və İranda
azəri xəstələri və əlilləri müalicə və qəbul etməyə hazır olduğunu bildirib.
O, İranın Qırmızı Aypara Cəmiyyətinin Bakıda xəstəxana tikmək
və öz fəaliyyətlərni genişləndirmək üzrə proqramına da toxunaraq, onun bu
prosesi dəstəkləməsini istəyib və ümidvarlıq edib ki, Azərbaycan Respublikası
dövlətinin himayələri sayəsində İranın Qırmızı Aypara Cəmiyyəti Azərbaycan
xalqına yaxşı xidmətlər göstərə biləcək.
Azərbaycan Respublikasının baş nazir müavini Əli Əhmədov də
Azərbaycan dövləti və xalqının İranın nüvə müzakirələrindəki uğuruna sevindiklərini
bildirərək, deyib ki, iki ölkənin əmək və sosial təminat sahələrindəki əməkdaşlıqları
hər ik ölkə üçün müsbət nəticələrə malik olacaq.
Əli Əhmədov İranın onun ölkəsinin istiqlaliyyətinin əvvələrindəki
himayə mövqelərinə, xüsusən İranın Qarabağ didərginlərinə olmuş humanitar
yardımlarına görə təşəkkür edib və İranın Qırmızı Aypara Cəmiyyəti və İmam
Xomeyni(r.ə.) adına İmdad Komitəsinin ölkəsindəki addımlarını təqdirəlayiq
adlandırıb.
Azərbaycan Respublikasının baş nazir müavini ölkəsinin Azərbaycanda
dərman istehsalı üzrə müştərək addıma hazır olduğunu bildirib və belə deyib:
İranlı həkimlərn Qırmızı Aypara Cəmiyyətinin klinikalarında azəri xəstələri
müalicə etmələrini alqışlayırıq.