Arannews - Qarabağ veteranları İrəvanin
Azadlıq meydanında etiraz aksiyası keçirəcəklər.
Bu barədə veteran, səhra komandiri Xaçik
Avetisyan açıqlama verib.
O bildirib ki, aprelin 20-də 50 Qarabağ
veteranı meydanda aclıq aksiyasına başlayacaq. Aksiya iştirakçıları 10 gün əvvəl
həbs edilən "Təsisçi parlament"in təşəbbüskarlarının 5 üzvünün və
Qarabağ veteranlarını azad etməyi tələb edirlər.
Xaçik Avetisyan bildirib ki, əgər həbs edilənlər
azad edilməyəcəklərsə, aprelin 20-də yenidən mitinq təşkil ediləcək. O mitinqdə
iştirak edənlərə hərbi formada gəlmələrinə çağırış edib.
Qeyd edək ki, aprelin 7-də "Təsisçi
parlament"in təşəbbüskarlarının 6 üzvü həbs edilib. Onlardan 5-i ölkədə
qarşıdurmalara yaratmaqda ittiham olunurlar. 1 nəfər isə sərbəst buraxılıb.