Sərginin keçirildyi ərəfədə Gəncədən mədəniyyət və incəsənət xadimlərindən ibarət böyük nümayəndə heyəti Təbrizə səfər edəcək
Arannews - Apreldə Təbrizdə Gəncənin mədəniyyət günləri təşkil olunacaq .
Bu barədə Moderator.az-a açqlamsında İranın Azərbaycandakı səfiri Möhsün Pakayin deyib. Onun sözlərinə görə, Gəncənin mədəniyyət sərgisi aprelin sonlarında təşkil olunacaq. Sərginin keçirildyi ərəfədə Gəncədən mədəniyyət və incəsənət xadimlərindən ibarət böyük nümayəndə heyəti Təbrizə səfər edəcək .
Sərgi çərçivəsində Gəncənin qədim mədəni irsi Təbriz sakinlərinə təqdim ediləcək .
Səfir onu da bildirdi ki, bir neçə aydan sonra isə Gəncədə Təbriz mədəniyyət sərgisi təşkil olunacaq .
“Yay aylarında isə İranda Azərbaycan mədəniyyət həftəsi təşkil olunacaq”, -deyən diplomat əlavə etdi ki, aprelin 2-də İran İslam Respublikasının vitse-prezidenti, Mədəni İrs, Əl İşləri Sanayesi və Turizm Təşkilatının sədri Məsud Soltanifərin Azərbaycana səfəri nəzərdə tutulur .
“Aprelin 2-dən 4-nə kimi davam edəcək səfər çərçivəsində İranın vitse-prezidenti Bakıda keçiriləcək “AİTF” Beynəlxalq turizm və səyahətlər sərgisində iştirak etməklə yanaşı, keçriəcəyi görüşlərdə iki ölkə arasında yaxın müddətdə mədəniyyət tədbirlərini müzakirə edəcək .”
Son dövrlərdə iki ölkə arsındakı mədəniyyət sahəsindəki əlaqələrin inkişafına toxunan səfir onu da əlavə etdi ki, ölkələrimiz kino və musiqi sənəti sahəsində də sıx əməkdaşlıq edir :
“Artıq kino sahəsindəki əməkdaşlığın inkişaf etdirilməsi nəticəsində son dövrlərdə müştərək filmlər çəkilməkdədir. Musiqi sahəsində əməkdaşlığıa gəldikdə isə, xüsusən muğam sahəsində əməkdaşlığa üstünlük verilir.”