Arannews - Avropa Birliyi Azərbaycan hökumətini demokratik keçid, insan haqları və fundamental azadlıqların vəziyyətinə görə kəskin tənqid edib .
Təşkilatın martın 25-də yaydığı hesabatda 2014-cü ildə Azərbaycanda bu sahədə geriləmə olduğu bildirilir .
Avropa Komissiyası bundan əvvəl Avropa yaxın qonşuluq siyasəti ilə bağlı hesabat qəbul edib .
Hesabat ötən il bu proqrama daxil olan ölkələrdə qüsurlar və əldə olunmuş uğurları əhatə edir .
Hesabatın Ukraynaya aid hissəsində, ölkənin şərqindəki müharibə və iqtisadi problemlərə görə bu ölkədə islahatların çox çətin getdiyi bildirilir .
Rusiyanın ilhaq elədiyi Krımda insan haqları sahəsində vəziyyətin kəskin pisləşdiyi qeyd olunur .
Gürcüstana gəldikdə isə bu ölkədə demokratiyaya keçidin davam elədiyi, amma azlıqların vəziyyəti və bir sıra sahələrdə qüsurlar olduğu bildirilir .
Hesabatda həmçinin Rusiyanın Gürcüstanın separatçı bölgələri Cənubi Osetiya və Abxaziya ilə strateji tərəfdaşlıq müqaviıləri imzalaması Gürcüstanın suverenliyinin pozulması kimi qiymətləndirilir .
Ermənistana gəldikdə isə bu ölkəylə yeni hərtərəfli müqavilənin uzaqda olmadığı vurğulanır .