Arannews - Ermənistan müdafiə naziri Seyran Ohanyan 6 erməni əsgərinin Azərbaycan ordusu tərəfindən məhv edilməsi səbəbindən təcili müşavirə çağırıb .
Müşavirədə müdafiə nazirinin müavinləri və silahlı qüvvələrin baş qərargah rəisi, idarələrin müdirləri, hüquq-mühafizə orqanlarının nümayəndələri iştirak ediblər. Müşavirədə müzakirə olunan məsələlər barədə geniş məlumat verilməsə də mətbuata verilən açıqlamada bildirilib ki, erməni ordusunda baş verən son intihar halı müzakirə edilib .
Belə ki, açıqlamada general Aleksan Aleksanyanın xidməti araşdırmanın nəticələrinin müdafiə nazirinə təqdim edildiyi bildirilib. Seyran Ohanyan deyib ki, Aykaz Barseqyanın intiharına səbəb olan günahkarlar qanun üzrə cəzalandırılacaq .
Qeyd edək ki, bu gün silahlı qüvvələrimiz Azərbaycan-Ermənistan dövlət sərhəddinin Qazax rayonu sahəsində düşmən tərəfinin təxribatının qarşısını alarkən 6 erməni əsgərini məhv edib .
Yanvar ayı ərzində Ermənistan silahlı qüvvələri təxminən 23 əsgər itirib.