İlham Əliyev iki ölkənin çoxlu mədəni ortaqlıqlarına toxunaraq, bildirib ki, iki ölkənin iqtisadi əməkdaşlığı da siyasi əlaqələr kimi genişlənməlidir
Arannews - İranın iqtisadiyyat naziri Əli Təyyebniya dünən axşam Azərbaycan Respublikasının prezidenti İlham Əliyev ilə görüşüb .
Azərbaycan Respublikası prezidenti bu görüşdə ötən bir ildə İran prezidenti ilə görüşlərini son dərəcə mühüm və səmərəli adlandıraraq, deyib ki, hazırda iki ölkə əlaqələri olduqca yaxşı səviyyədədir .
İlham Əliyev iki ölkənin çoxlu mədəni ortaqlıqlarına toxunaraq, bildirib ki, iki ölkənin iqtisadi əməkdaşlığı da siyasi əlaqələr kimi genişlənməlidir .
Azərbaycan Respublikası prezidenti iki ölkə arasında imzalanmış sənədləri mühüm adlandırıb və qarşılıqlı əməkdaşlıqların bank, sığorta və investisiya sahələrində də genişlənməsini vurğulayıb .
İlham Əliyev iki ölkənin əməkdaşlığını regionda stabillik və sülh sahəsində təsirli adlandırıb və bildirib ki, iki ölkə arasında həmkarlıqların gücləndirilməsi üçün əlaqədar orqanlara lazımi göstərişlər verilib .
Azərbaycan Respublikası prezidenti iki ölkənin dəmiryolunun birləşməsi və Şimal-Cənub koridorunun önəminə toxunaraq, deyib ki, bu layihənin istifadəyə verilməsi sürətlə başlanmalıdır .
İlham Əliyev sonra neftin qiymətinin aşağı düşməsinə də işarə edib. O, iki ölkənin bu sahədə ahəngdar olmasını vurğulayıb .
O, həmçinin deyib ki, iki ölkənin nazirlikləri iki ölkənin özəl sektorlarının fəaliyyətləri yolundakı maneələri aradan qaldırmalıdırlar .
Təyyebniya da bu görüşdə İran prezidentinin səmimi salamlarını çatdıraraq, Azərbaycan Respublikası prezidentinin qarşılıqlı əlaqələrin gücləndirilməsi üzrə yardımlarına görə minnətdarlıq edib .
İranın iqtisadiyyat naziri iki ölkə başçılarının münasibətlərin genişləndirilməsi sahəsindəki siyasi iradələrinə toxunaraq, deyib: Sizin və İran prezidentinin iqtisadi əlaqələrin inkişafı üzrə təkidinə və qarşılıqlı həmkarlıq üçün əla imkanların mövcudluğuna rəğmən, hələ də qənaətbəxş qarşılıqlı iqtisadi əlaqələrin şahidi deyilik .
Təyyebniya iki ölkə arasında iqtisadi həmkarlıq yolundakı maneələrin aradan qaldırılmasına lazım olan göstərişlərin verilməsini istəyib .
İranın iqtisadiyyat naziri həmçinin cənab Ruhaninin Azərbaycan Respublikası prezidentinin Tehrana səfərinə maraqlı olduğunu ona bildirib .
Təyyebniya ötən gün Azərbaycan Respublikası prezidenti ilə görüşdən sonra bu ölkənin iqtisadiyyat naziri ilə görüşüb .