Azərbaycan Respublikası və Ermənistanın 1988-ci ildən Dağlıq Qarabağın mülkiyyəti üzərində ixtilafları vardır və 1994-cü ildə atəşkəsin elan olunmasına baxmayaraq, bu barədə yekun anlaşma əldə olunmayıb
Arannews - Azərbaycan
Respublikasında Milli Şuranın üzvü və Ziyalılar Forumun rəhbəri qərblilər,
xüsusilə də Amerikanı insan haqları və Dağlıq Qarabağla əlaqədar məsələlərdə
riyakarlıqda suçlayıb.
Səhər televiziyasının Bakıdakı müxbirinə müsahibə verən Eldəniz
Quliyev qərbin insan haqları məsələsindəki ikili standartları və onların ifadə
azadlığı məsələsindən vasitə kimi istifadə etmələrini tənqid atəşinə tutaraq əlavə
edib: Qərblilər üçün heç nə onların iqtisadi mənafeyi qədər əhəmiyyət kəsb
etmir və onların bütün mövqelərini iqtisadi mənafeləri müəyyənləşdirir.
Azərbaycan Respublikası Ziyalılar Forumunun rəhbəri qərblilərin Ermənistanın
tərəfini saxlamalarını tənqid edərək deyib: Azərbaycan Respublikası hökuməti
işğal olunmuş Qarabağ və ərazilərin azadlığı üçün öz xalqına söykənməlidir.
Azərbaycan Respublikası və Ermənistanın 1988-ci ildən Dağlıq
Qarabağın mülkiyyəti üzərində ixtilafları vardır və 1994-cü ildə atəşkəsin elan
olunmasına baxmayaraq, bu barədə yekun anlaşma əldə olunmayıb.