sərhəd Biləsuvar Terminalının təkmilləşməsi və genişlənməsi ilə iki ölkə vətəndaşları üçün daha yaxşı imkanlar yaranacaq və müsafirlərin gediş-gəlişləri üçün şərait asanlaşacaqdır
Arannews - İranın yol və şəhərsalma nazirinin müavini və Yol Xidmətləri
və Şose Nəqliyyatı Təşkilatının sədri deyib: Ümid edirik ki, sərhəd Biləsuvar
Terminalının təkmilləşməsi və genişlənməsi ilə iki ölkə vətəndaşları üçün daha
yaxşı imkanlar yaranacaq və müsafirlərin gediş-gəlişləri üçün şərait
asanlaşacaqdır.
Davud Keşavərziyan Sərhəd Biləsuvar Terminalının müsafir salonunun
açılış mərasimində dövlətin siyasətinin dünya ölkələri, xüsusən qonşu ölkələrlə
əlaqələrin genişləndirilməsi olduğuna işarə edərək, söyləyib: İran yeddi ölkə
ilə həmsərhəd olduğuna görə, özəl tranzit mövqeyinə malikdir.
Keşavərziyan əlavə edib: Hər il İran İslam Respublikası ilə Azərbaycan
Respublikası arasında təqribən 135 min yük maşını gediş-gəliş edir ki, bu
miqdardan 50 min yük maşını Biləsuvar sərhədindən keçir.
O, Biləsuvar sərhədini ölkənin fəal sərhədlərindən biri adlandıraraq,
söyləyib: Mövcud statistikalara əsasən, hər il bir milyondan yuxarı müsafir bu
şəhrestan sərhədindən keçib gedir.
Keşavərziyan İranın Azərbaycan Respublikası ilə əlaqələri genişləndirməyə
maraqlı olduğunu bildirərək, deyib: Azərbaycan Respublikası İran-Rusiya ticarət
mübadilələri səviyyəsinin artırılmasında böyük rol oynaya bilər.
O, ümidvarlıq edib ki, İran və Azərbaycanın səyləri nəticəsində
qarşılıqlı iqtisadi və ticari əlaqələrin daha da genişlənməsinin şahidi
olacağıq.