Arannews - Şeyx Baqir Nimr həbs edildiyi zaman yaralı idi və onun bədəninə
dörd güllə dəymişdi.
Ayətullah Şeyx Baqir Nimrə səudiyyə zindanlarında işgəncə olunub.
bu barədə Münhendə Avropa-Ərəbistan İnsan Haqları Təşkilatının sədri məlumat
verib.
Əli Əl-Dəbisi bildirib ki,"Mən Ərəbistanda həbsdə olduğum müddətdə
işgəncələrə məruz qalırdım və gecələr işgəncə altında olan məhbusların iniltisi
eşidilirdi.
Ərəbistan zindanlarında elektrik ilə işgəncə, döymə, tavandan asma,
buzlu və qaynar suyun tökülməsi kimi müxtəlif işgəncə üsullarından istifadə
olunur. İşgəncələr o qədər pisdir ki, insanların işgəncə altında ölümü
mümkünsüz deyil. Şeyx Nimr də zindanda şiddətli işgəncəyə məruz qalıb.Şeyx
Baqir Nimr həbs edildiyi zaman yaralı idi və onun bədəninə dörd güllə dəymişdi.
Səudiyyə başçıları iki ay Şeyx Nimrin müalicəsi və güllələrin bədənindən
çıxarılmasından çəkinirdilər.Biz Ərəbistan məhbəslərində çoxlu sayda işgəncəni
qeydə almışıq. Şeyx Nimrin mühakiməsində Ərəbistanın daxili qanunlarına əsaslanan
qanuni meyarlara belə riayət olunmadı.
Qeyd edək ki, Şeyx Nimr Əl-Nimr 2011-ci ilin fevralında Səudiyyə Ərəbistanının
şərqində şiələrin məskunlaşdığı Qətif şəhərindəki geniş etirazlardan sonra
2012-ci ilin iyulunda həbs olundu.Səudiyyə məhkəməsinin hakimi oktyabrın 15-də
55 yaşlı Şeyx Nimr Əl-Nimr barəsində edam hökmü çıxardı. Bu görkəmli ruhaninin
həbsi Ərəbistanın müxtəlif şəhərlərində bir neçə günlük etirazlara səbəb
oldu.Etiraz aksiyalarında 20 nəfərdən yuxarı insan həlak oldu.