Rusiya ilə Gürcüstan arasında 2008-ci ildəki “5 günlük müharibə”də sonra kəsilmiş müntəzəm mülki aviareyslər bərpa olunur.
AranNews- Az öncə “Rosaviasiya” Gürcüstan XİN-in notasına cavab olaraq Moskva-Tiflis və əks istiqamətdə müntəzəm hava uçuşlarına icazə verildiyi barədə açıqlama yaymışdı.
İki ölkə arasında birbaşa müntəzəm avia əlaqələr əslində 2006-ci ildə, onlar arasında münasibətlər kəskinləşdiyi vaxt ləğv edilmişdi. Sonra müəyyən müddətə bərpa olunsa da, 2008-ci ilin avqust hadisələrindən sonra – iki dövlət arasında diplomatik münasibətlər kəsiləndən sonra yenidən ləğv edilib.