Arannews - Aksiyaçıların Prezident Administrasiyasında dövlətin səlahiyyətli
rəsmiləri tərəfindən qəbul edilən nümayəndələri danışıqların nəticələrini
açıqlayıblar .
Prezident Administrasiyası qarşısındakı aksiya artıq sona çatıb.
12:25
Məlumata görə, Prezident Administrasiyası qarşısındakı aksiya davam
edir.
Aksiyaçıların Prezident Administrasiyasında dövlətin səlahiyyətli rəsmiləri
tərəfindən qəbul edilən nümayəndələri danışıqların nəticələrini açıqlayıblar.
Onların sözlərinə görə, Prezident Administrasiyasında bildirilib ki, bu
problemlə bağlı məlumatlıdırlar və Baş Prokurorluqda "Hayan" MMC
tikinti şirkəti ilə bağlı araşdırmalar aparılır. Yaxın bir ay ərzində bu
araşdırmaların nəticələri narazı vətəndaşlara bilfiriləcək və onların şikayətləri
ilə bağlı qərar veriləcək.
Ancaq aksiya keçirən narazı vətəndaşlar Prezident Administrasiyasından
verilən bu cavabdan razı qalmayıblar. Aksiyaçılar bildiriblər ki, onların
davamlı şikayətlərinə həmişə belə cavablar verilir.
Ona görə də, bir qrup qadın hazırda Prezident Administrasiyası
qarşısında oturaq aksiyaya başladıqlarını bildirib.
11:57
Hazırda Prezident Aparatının qabağında aksiya keçirilir.
"Hayan" MMC tikinti şirkətindən narazı olan Azərbaycan vətəndaşları
dövlətdən yardım istəyirlər.
Narazı vətəndaşların şikayəti ondan ibarətdir ki, 9 ildir pul verib, ev
aldıqları bina tikilmir. Üstəlik gələcəkdə tikiləcək bunada hər mənzil bir neçə
nəfərə satılıb.
Məlumata görə, adıçəkilən şirkətin rəhbərinin ölkədən qaçdığı
bildirilir.
Aksiyaçıların bir neçə nümayəndəsi Prezident Aparatında dövlətin səlahiyyətli
şəxsləri ilə görüşə gediblər. Aksiya hazırda davam edir.