Adi hesablamalar və təhlillərə əsasən, sionist rejim malik olduğu belə imkanlarla elə ilk bir neçə gün ərzində işi bitirməliydi, amma sonda həm öz hədəflərinə çatmaq sahəsində aciz olduğunu etiraf etdi, həm də Müqavimətin şərtlərinə təslim oldu
Arannews - İslam
İnqilabının Böyük Rəhbəri müqavimətli Qəzzənin əlli bir günlük müharibədəki qələbəsi
və sionist rejimin mühasirə olunmuş əhali qarşısında aciz qaldığını bildirməsindən
son dərəcə razı qaldıqlarını bildirərək, bu böyük qələbəni ilahi vədə bir sənəd
və daha böyük qələbələrin rellaşmasına bir müjdə adlandırıblar.
Həzrət Ayətullahuluzma
Xamenei , Fələstin İslami Cihad Təşkilatının baş katibi Ramazan Abdullah və onu
müşayiət edən heyətlə görüşdə əlli bir günlük müharibəni və kiçik bir məntəqə
olan Qəzzənin məhdud sayda əhali və imkanlarla rəhmsiz bir rejim və müxtəlif
imkanlar və dəstəklərə malik olan hərbi qüvvə qarşısındakı qələbəsini mühüm və
heyrətləndirici bir məsələ adlandırıblar. O həzrət vurğualyıblar: Adi
hesablamalar və təhlillərə əsasən, sionist rejim malik olduğu belə imkanlarla
elə ilk bir neçə gün ərzində işi bitirməliydi, amma sonda həm öz hədəflərinə
çatmaq sahəsində aciz olduğunu etiraf etdi, həm də Müqavimətin şərtlərinə təslim
oldu.
İslam İnqilabının
Böyük Rəhbəri mücahidlərə kömək üzrə ihali vədlərə toxunaraq, əlavə ediblər ki,
xalqın Müqavimətlə heyranedici həmkarlığı, düşmənin ardıcıl bombardmanlarından
yorulmama və çoxlu sayda qadın və uşağın daxil olduğu iki mindən yuxarı insanın
rəhmsizcəsinə qırğın olunması qarşısında qələbə ilahi lütf və yardımdan başqa
bir şey deyildi.
Həzrət Ayətullahuluzma
Xamenei vurğulayıblar: Bu səhnədə ilahi vədin reallaşması göstərir ki, bu vədlər
daha geniş səhnədə də reallaşacaq və ilahi iradə belə olubdur ki, Fələstin məsələsini
sizin əlinizlə nəticəyə çatdırsın.
Həzrət Ayətullahuluzma
Xamenei sonda regionun şəraitini son dərəcə mürəkkəb adlandırıb və belə əlavə
ediblər: Əlbəttə, hadisələrin perspektivi aydın və yaxşı bir perspektivdir və
ümid edirik ki, Allah-Taala bizim hamımızı İslam Ümməti və Fələstinin xeyrinə
olacaq və düşmənin fitnələrini zərərsizləşdirəcək istiqamətə yönəltsin.
Bu görüşdə Fələstin
İslami Cihad Təşkilatının baş katibi Ramazan Abdullah da İslam İnqilabının
Böyük Rəhbərinin sağlamlıqlarından şad olduğunu deyərək, bildirib: Cənabınızın
sağlamlıqları və şəfası üçün hər namazda dua etmişik və ümid edirik ki, bir gün
sizinlə Məscid-ul-Əqsada namaz qılmağımızın şahidi olmuş olaq.
Fələstin İslami
Cihad Təşkilatının baş katibi bəzi ölkələrin Qəzzənin bərpası barədəki vədlərinə
toxunaraq, deyib: Biz bu vədlərə o qədər də ümid etmirik və sionist rejimin
hücumlarından irəli gələn xəsarətlərin aradan qaldırılması üçün yalnız Allaha
ümid bəsləyirik.
O, əlli bir günlük
müharibə haqda hesabat verib, bu başıucalq gətirən zəfər münasibəti ilə İslam
İnqilabının Böyük Rəhbərini təbrik edərək, söyləyib: Yəqinliklə demək olar ki,
bu qələbə İran İslam Respublikasının dəstəkləri sayəsində əldə olunub və əgər
İranın təsirli və strateji yardımları olmasaydı, Qəzzədə müqavimət və qələbə
imkanı yaranmazdı.