Ermənistan və AŞPA Katibliyinin bütün səylərinə baxmayaraq, məlumat xarakterli memorandum baş tutub, Ermənistan və AŞPA Katibliyinin niyyətləri puça çıxıb
Arannews - Avropa
Şurasının Sosial Komitəsində bu gün Azərbaycanın AŞPA-da nümayəndə heyətinin
üzvü Elxan Süleymanovun təqdim etdiyi "Azərbaycanın cəbhəyanı rayonlarında
mülki əhalinin qəsdən sudan məhrum edilməsinə dair" qətnamə layihəsi əsasında
təyin edilmiş məruzəçi, Bosniya və Herseqovinadan olan deputat Milisa
Markoviçin ilk məlumat-memorandumu müzakirəyə çıxarılıb.
Məlumata görə,
müzakirə zamanı Ermənistan nümayəndə heyətinin üzvləri çıxışlarında məruzənin
adının dəyişdirilməsini, Avropada su problemlərinə həsr edilməsini tələb ediblər.
Sosial Komitənin üzvləri, Böyük Britaniyalı deputat Mayk Hanqkok, Belçıkalı
deputat Blanşar, Moldovalı deputat Gileviç ermənilərin bu təklifinə
etirazlarını bildirib və belə təxribatlara son qoymağın vaxtının çatdığını bildiriblər.
Ermənistan və AŞPA Katibliyinin bütün səylərinə baxmayaraq, məlumat xarakterli
memorandum baş tutub, Ermənistan və AŞPA Katibliyinin niyyətləri puça çıxıb.
E.Süleymanov
bildirib ki, AŞPA Katibliyinin məsləhəti ilə Ermənistan nümayəndə heyəti üzvlərinin
istər Assambleyanın dünən müzakirəyə çıxarılmış "Azərbaycanın Dağlıq
Qarabağ və işğal edilmiş digər ərazilərində gərginliyin artması" məruzəsinin,
istərsə də Sərsəng Su Anbarı ilə bağlı bu gün Sosial və Siyasi Komitələrdə
müzakirəyə çıxarılmış məruzənin adlarının dəyişdirilməsinə yönələn səyləri onu
göstərir ki, Ermənistan tərəfi işğal siyasətlərinin ifşa olunmasından təşvişə
düşüb və ciddi narahatlıq keçirir.”
Xatırladaq ki, Sərsəng
Su Anbarı ilə bağlı AŞPA-da hazırlanacaq məruzə işğal altında olan strateji
obyektlərə həsr olunan ilk məruzə olacaq.