Arannews - Ermənistanda
səfərdə olan Fransa Senatının üzvü, Fransa-Ermənistan dostluq qrupunun üzvü
Filipp Kaltenbax İrəvanda səfərdədir. Erməni KİV-ə istinadən verdiyi xəbərə görə,
deputat macal tapıb işğal altındakı Dağlıq Qarabağa qanunsuz səfər də edib.
Qarabağ problemini
həll perspektivindən danışan ermənipərəst fransız Azərbaycan prezidenti İlham
Əliyevin həddən ziyadə sərt mövqe sərgilədiyinə diqqət yönəldib. “Onun tərəfindən
hansısa güzəşt gözləməyi təsəvvürə gətirmək çətindir. Həmsədrlərin səylərinə
baxmayaraq, aydındır ki, danışıqlar prosesi çox çətinliklə irəliləyir”, - deyə
deputat qeyd edib.