Bu barədə sayta AİM üzvü, AİP gənclər təşkilatının sədri Vüqar Abdullayev məlumat verib
Arannews - AİP
Analitik İnformasiya Mərkəzinin bu gün növbəti toplantısı keçirilib. Bu barədə
sayta AİM üzvü, AİP gənclər təşkilatının
sədri Vüqar Abdullayev məlumat verib.
O qeyd etdi ki, bu
günkü toplantının gündəliyinə 4 məsələ daxil edilib. Analitik İnformasiya Mərkəzinin
üzvləri İsrail müdafiə nazirinin Azərbaycana rəsmi səfəri, hacı Mövsüm Səmədovun
cəza yerinin dəyişdirilməsi və digər məhbusların hüquqlarının müdafiə vəziyyəti,
Əsrin müqaviləsinin 20-ci ildönümü- Türkiyə baş nazirinin Azərbaycana səfəri,
yeni dərs ilində hicab qadağasının davam etdirilməsini müzakirə ediblər.
AİM üzvləri öncə hicab şəhidi Haçı Vaqif Abdullayevin 63
yaşının bu gün tamam olduğunu deyərək onun xatirəsini yad etdilər və ruhuna
dualar oxudular.
AİM üzvü Akif Heydərli
gündəlikdə duran məsələlər barədə ümumi məlumat verərək, toplantı
iştirakçılarının diqqətini İsrail Müdafiə Naziri Moşe Yalonun Azərbaycana səfəri
barədə təfərruatlara yönəltdi.
O, qeyd etdi ki, Yalonun Bakıya səfəri rəsmi
xarakter daşısa da bu haqda informasiya vasitələrinə İsrail təyyarəsi H.Əliyev
hava limanına enənə qədər heç bir məlumat verilməyib.
A.Heydərli məsələ
ilə bağlı öz mövqeyini çatdırdı:
” Belə sürprizlər
çox az hallarda baş verir. Adətən keçmiş nağıllarda insan qatilləri olan əjdahalar
müxtəlif yerlərdə gözə görünmədən peyda olurdular. Amma Moşe Yalonun bu cəsarəti
onun əjdahadan da qorxulu bir varlıq olmasına işarədir. Bütün dünya İsrail
Müdafiə Nazirinin kimyəvi silahlarla silahlanmış əsgərlərə fələstinli müsəlman,
günahsız, əliyalın körpələrə qarşı hücum əmri verməyini və atəşə tuş gəlmiş məsum
insanların, qoca və qadınların, yenicə dil açan körpələrin necə yanaraq əridiyini
görüb qatilləri lənətlədiyi bir zamanda, onun müsəlman ölkənin paytaxtı Bakıya
səfərini tarixin qara ləkəsi kimi də qiymətləndirmək olar. Bu səfər mənə böyük
Sovetlər İttifaqının dağılmasına təkan verən və dağılacağını strateji cəhətdən
sübut edən bir faktı- ABŞ helikopterinin bütün radarları dəf edərək Sovet
İttifaqının paytaxtı Moskvanın mərkəzi meydanı olan Kremlin qarşısına maneəsiz
enməsini xatırlatdı. Allah belə fasadlardan xalqımızı qorusun. Özlərini dünya xalqları içərisində ali irq
sayan sionistlərin-insan qatilləri tək tanınan bəşəri cinayətkarların, baş kəsənlərin,
hər gün qan axıdanların başında duranların mərhəmətli və humanist, yüksək mədəniyyətə
və zəngin tarixə malik, İslam dini kimi pak, müqəddəs inanc sahibi olan bir
xalqın torpağına ayaq açması heç Allaha da xoş
getməz.
İslam Partiyası
olaraq biz hər hansı bir dövləti təmsil etməsindən asılı olmayaraq, insanlığa
qarşı cinayətkar əməllər törədənlərin, xüsusən də İslamın və müsəlmanların qatı
düşmənlərinin müqəddəs diyarımıza gəlişini, hər hansı bir səfərini qətiyyətlə
pisləyir, yolverilməz addım kimi qiymətləndiririk.”
Vüqar Abdullayev
onu da vurğuladı ki, AİP-in sədr əvəzi hacı Elçin Manafov İsrail müdafiə
nazirinin gəlişini pisləyərək bunun yolverilməz olduğunu vurğuladı.
Hacı Elçin Hacı
Mövsüm Səmədovun cəzacəkmə müəssisəsindən çıxarılmasını və səbəbsiz yerə digər
müəssisəyə göndərilməsini də məhz israilli nazirin gəlişilə əlaqələndirdi:
”Bildiyimiz kimi,
11 saylı cəzaçəkmə müəssisəsi şəhərin mərkəzində yerləşir, hacını çoxsaylı
dindarlar tez-tez ziyarət edirdilər. Saxlanma şəraiti də nisbətən əlverişli idi
və Səmədəov həmin müəssisədə özünə çoxlu həmfikir qazanmışdı. Biz ümid edirdik
ki, müqəddəs bayramlar və ya əlamətdar günlər münasibətilə hacını həbsdən azad
edərlər. Amma sahidi olduq ki, hər dəfə müəəyyən addımlar atılaraq bu işə
maneçilik törədilir.”
Natiq bunun cəmiyyətdə
böyük narazılıq dalğası yaratdığını da diqqətə çatdırdı.
AİM-in
toplantısında çıxış edən AİP funksioneri Vüqar İbayev diqqəti sionist rejimin rəsmi
nümayəndəsinin Quba səfərinə yönəldərək onun Qırmızı qəsəbə sakinlərini ziyarət
etməsinin pərdə arxasında qalan bir məqamını qeyd etdi:
” Yəhudi icmasının
başçısı bildirib ki, biz burada 2 min ildir rahat məskən salmışıq. O, bütün yəhudiləri
Azərbaycanda yaşamağa dəvət edib. Bu fikir Liberman gələndə də səslənmişdi. Bu
isə o deməkdir ki, Azərbaycan onların ata-baba torpaqları olub və burda yerləşmək
yəhudilərin qanuni haqqıdır.”
Hacı Mövsümün başqa
yerə köçürülməsi məsələsinə toxunan İbayev onun həbsdə belə ölkədəki rüşvətxorluq,
korrupsiya hallarına qarşı səsini ucaltdığını və buna görə daim təzyiqlərə məruz
qaldığını, son olayın isə hacıya qarşı yeni cəza üsulu olduğunu dedi. Digər
natiqlər də bu məsələlərə münasibət bildirərək Famil Şükürovun haqsız yerə həbsə
məhkum olmasını məhkəmələrin sifarişli olması ilə əlaqələndirdilər.
Əsrin müqaviləsinin
20-ci ildönümünə toxunan Üzeyir Heydərli AiP-in vaxtilə bu müqavilənin
bağlanmasına etirazını xatırladaraq onun sadə insanların güzəranına müsbət təsiri
olmamasını bəzi səbəblərlə izah etdi:
” Neft kəməri
İrandan keçsəydi iqtisadi baxımdan daha əlverişli olacaqdı. Lakin o zaman Qərb
dövlətlərinin təzyiqi ilə nəzərdə tutulan marşrut dəyişdirildi. Amma vəd
edildiyi kimi, işğal olunmuş torpaqlar geri qayıtmadı, bölgələrdə gənclər
işsizlik ucbatından xarici ölkələrə üz tuturlar. İnsanlar dolanışıq üçün
paytaxta və böyük şəhərlərə axışırlar. Bu neft xətt yalnız Bakının simasını dəyişməyə
kömək etdi. Bakı-Ceyhan xəttindən Gürcüstan və Türkiyə bizdən daha çox gəlir
götürdü“.
Üzeyir Heydərli Əhməd
Davudoğlunun baş nazir kimi Azərbaycana ilk səfərinə toxunaraq onun şeyxlə
görüsməsinin və Bakıda bir sıra mühüm bəyanatlar verməsinin, ümumilikdə bu səfərin iki ölkə arasında dostluq münasibətlərinin
güclənməsinə töhvə verdiyini dedi.
Akif Heydərli, Rövşən
Nuri yeni tədris ilində ölkədə hicab qadağasının davam etməsinə toxunaraq, bu
halın Azərbaycan gəncliyinin mənəviyyatsız yetişməsinə və gələcəkdə daha böyük
fəsadlara səbəb olacağını qeyd etdilər.
İslamçı Rəşad Dadaşov bu problemin müvafiq
qurumlarla birgə sivil formada müzakirə edilməsinin vacibliyini vurğuladı.
Tədbirin sonunda
Üzeyir Heydərli yekdilliklə AİM-in sədri seçildi.