Rəsul Cəfərov bu qadağanı qanunsuz hesab etdiyini və onun bir hüquq müdafiəçisi kimi fəaliyyətinə maneçilik cəhdi kimi qiymətləndirir
Arannews - Hüquq müdafiəçisi Rəsul Cəfərova ölkədən çıxmaq
qadağan olund
Bu barədə Rəsul Cəfərovun özü məlumat verib.
Rəsul Cəfərov bu qadağanı qanunsuz hesab etdiyini və onun
bir hüquq müdafiəçisi kimi fəaliyyətinə maneçilik cəhdi kimi qiymətləndirərək
deyib: “Baş verənləri tamamilə qanunsuz hesab edirəm. Özümə heç bir məlumat və
xəbərdarlıq etmədən, rəsmi məktubu qoyaq kənara, hətta telefonla xəbərdarlıq
etmədən belə bir qərar qəbul ediblər. Belə bir qərar qəbul etdiklərini ayın
25-də ölkəni tərk edən zaman xəbər tutmuşam. İşimlə bağlı onsuz da çoxsaylı səfərlər
edirdim,bu da növbəti işgüzar səfərlərdən
biri idi. Sərhəddə mənə bildirdilər ki, ölkəni tərk edə bilməzsiniz. Baş
Prokurorluq iyulun 25-dən bununla bağlı qadağa qərarı qəbul edib. Mən də sərhəd
xidməti ilə bunu heç bir halda mübahisə edə bilməzdim, çünki onlar həmin qərarı
icra edirlər. Bakıya dünən qayıdandan sonra, bu gün də ölkədən buraxılmamağımla
bağlı qadağadan rəsmi şəkildə məhkəməyə şikayət göndərmişəm. Bu qadağanı
tamamilə qanunsuz və əsassız bir hal kimi qiymətləndirirəm və düşünürəm ki, həm
bu qərar, həm də bundan qabaq mənim şəxsi hesablarıma qoyulmuş həbs qərarı birmənalı
şəkildə mənim hüquq müdafiəçisi fəaliyyətimlə bağlıdır, fəaliyyətimə qarşı əks
addımdır”.sorğu edilir".