Qəzzada insanlar kütləvi şəkildə qətlə yetirilir, minlərlə yaralı köməksiz vəziyyətdədir
Arannews - Tanınmış siyasi analitik Zərdüşt Əlizadə Qüds
günün müsəlmanların vəhdətinə doğru bir təşəbbüs olduğunu vurğulayıb.
İslamınsesi saytının
Beynəlxalq Qüds günü ilə bağlı təşkil etdiyi virtual Forum-dəyirmi masada deyib
: "İmam Xomeyni hər il mübarək Ramazanda axırıncı cüməni Qüds günü elan
edib. Bu təşəbbüs bütün İslam aləmini bu
şüar altında birləşdirmək məqsədi daşıyırdı. Bu gün qüdrətli müttəfiqlərə,
müasir silahlara malik İsraillə təkbaşına döyüşən HƏMAS-a İran əlindən gələn
köməyi edir və diplomatik sahədə də İsrailin təcavüzkar siyasətinə etirazını
bildirir."
Zərdüşt Əlizadədə deyib :"Qüds günü özlüyündə olduqca
müsbət təşəbbüsdür. Vəhdətə çağırış üçün vaxtında atılmış müdrik qərardır. Amma müsəlman dünyasının birləşməsinə, həmrəylik yaradaraq ağıllı siyasət yürütməsinə ümid çox azdır.
Qüds günü vaxtında və yerində irəli sürülmüş ideya olsa da, təəssüf ki,
bütövlükdə ərəb dünyası şeyxlərinin vicdanını oyatmağa, onlara mübarizə əzmi
verməyə gücü çatmır."
Zərdüşt Əlizadədə xain dövlətlər barəsində isə deyib :
"20-ci əsrdəbir çox müsəlman-ərəb dövləti rəhbərlərinin bivecliyi,
satqınlığı səyasində, Fələstin torpağında yəhudi dövləti yarana bildi. Yenə də
həmin ərəb rəhbərlərinin bivecliyi ucbatından ərəblər bu torpaqlar üzərində
apardıqları müharibədə bir ovuc yəhudiyə məğlub oldular. İndinin özündə bölgədə
çox ağır vəziyyət yaranıb."
Zərdüşt Əlizadədə əlavə edib : "Qəzzada insanlar kütləvi
şəkildə qətlə yetirilir, minlərlə yaralı köməksiz vəziyyətdədir. FƏTH isə sakitcə oturub buna tamaşa edir.
Mahmud Abbas nəticəsi olmayacağını bilə-bilə danışıqlar aparır. Elə bir mənzərə
alınır ki, Fələstin xalqı ilə həmrəylik nümayiş etdirən qüvvələrin sayı Qərbdə
daha çoxdur, nəinki ərəb ölkələrində ...
Müsəlman dövlətləri arasında ən ardıcıl həmrəylik göstərən ölkə İrandır."